أعرب محمد عبد المنعم، مدافع نادي نيس الفرنسي، عن سعادته بالعودة إلى التدريبات الجماعية، عقب تعافيه من الإصابة بقطع في الرباط الصليبي، والتي أبعدته عن الملاعب لفترة طويلة.
وكان عبد المنعم قد تعرض للإصابة خلال مواجهة فريقه أمام باريس سان جيرمان، ضمن منافسات الجولة الحادية والثلاثين من بطولة الدوري الفرنسي، في شهر أبريل الماضي.
ونشر عبدالمنعم صور من عودته للتدريبات عبر حسابه الشخصي علي موقع التواصل الإجتماعي انستجرام وعلق عليها قائلاً:” الحمدلله دائمًا وابدًا، النهاردة اول يوم تمرين ليا، بعد فترة هي الأصعب في حياتي دخلتي في اكتئاب وتوتر من المستقبل، خلتني اشوف مستقبلي بشكل مختلف عن اللي كنت بحلم بيه بس التفكير هنا طول الوقت مش هسيب حلمي واني اقدر اعدي اي مرحلة صعبة”.
وتابع:”حسيت بكمية الحب والتعاطف والدعم معايا لما حصلت الإصابة ودا اتاثرت بيه نفسيا، بس في نفس الوقت دا خلاني احس بالمسؤولية تجاهم، كنت بشتغل وهدفي قدامي عيني واني هرجع تاني واكون عند حسن ظنهم، ومن هنا حسيت أن كل حاجة انا وصلتها مكنتش شطارة مني دي كانت ترتيبات ربنا ليا، قربت ليه اكتر حسيت بالرضا وحسيت أن ربنا بيقولي متقلقش انا جنبك ومش هسيبك فا ارتاحت وهنا التفكير اتغير لما حسيت بالرضا”.
وواصل:” النجاح مهم جدا بس اهم منه هو علاقتك مع ربنا ومن أهم النعم أن الناس بتحبك بصدق واللي وجودهم في حياتك بيخليك انسان احسن، اتعلمت أن أكون حامد من غير شروط اسعي واشتغل واتعب بس في نفس الوقت أحافظ علي كنوري الحقيقة اهلي، واصحابي، والقلوب اللي بتقف جنبك في كل لحظة لأن دول اللي بيفضلو يوم ما تتعب أو تمرض او حتي ترحل واللي بيفضل فعلا هو الذكري والدعوة الحلوة اللحظة اللي بتبقي أثر في قلب كل واحد، لان الاستثمار الحقيقي هو الاستثمار في الذكريات بيخلي اللحظات فوق عمر الانسان”.
واتم:” شكرا من قلبي لكل واحد افتكرني وبعت كلمة أو دعالي وجودكم حواليا بيكبر المعني ويطول عمر اللحظات الحلوة وشكرا علي دعمكم “.
