حرص محمد مجدي أفشة، لاعب النادي الأهلي، على توجيه رسالة وداع مؤثرة إلى جماهير القلعة الحمراء، وذلك عقب رحيله عن صفوف الفريق وانتقاله إلى نادي الاتحاد السكندري.
وانضم أفشة إلى صفوف الاتحاد السكندري على سبيل الإعارة حتى نهاية الموسم الجاري 2025-2026.
ونشر أفشة عبر خاصية ستوري علي حسابه الرسمي علي موقع التواصل الاجتماعي انستجرام قائلاً:” الرحلة فيها حاجات كثير حلوة عشناها مع بعض، من إفريقيا للدوري، لبطولات العالم، كور كثيرة راحت وجات واحدة لبست غيرت تاريخ كبير، وواحدة قلشت طيرت فلوس كتير برضو”.
وتابع:” كل ده مش مهم، المهم إن عشت طول عمري محبوب ومتشال علي الراس من أعظم جمهور في الدنيا، أنا بسيط وبحب اكون سهل وواضح، عايز اقولكم هتوحشوني جدا، اتمني ميكنش وداع دائم، يبقي وقت مؤقت لفترة قصيرة، ارجع فيها زي الأول واكثر، بحب جمهور الأهلي كثير”.
واختتم:” مش هقول مع السلامة، هقول إلي لقاء قريب تاني بإذن الله، جمهور الأهلي من كل قلبي شكرا علي اللي فات واللي جاي برضه”.
