فتح لاعب الزمالك السابق ” أحمد عيد عبدالملك” النار علي ” مرتضي منصور ” عقب هزيمة الفريق اليوم أمام الأهلي برباعية لهدف في المباراة التي أقيمت علي ستاد القاهرة في تمام الساعة الثامنة والنصف ، في لقاء مؤجل من الأسبوع الحادي والثلاثين.
ونشر عبدالملك عبر حسابه الرسمي علي موقع التواصل الاجتماعي فيس بوك قائلاً:” الكرة للرجالة طبعاً ده اولاً، وبعد كدة فنياً بالشكل ده مش هتعرف تحارب باتنين تلاتة لاعيبة عندك والباقي موظفين”.
وتابع:” معاك مدرب محتاج لاعيبة كويسة كواليتي عالي وانت كدة كدة بتسيب احسن ناس عندك كل سنة واحد او اتنين يمشو وعمره ما هينجح بالاعيبة دي”.
واختتم:” واخيراً شوفولنا حل بقي في الراجل الي قاعد جوة النادي ده غصب عن اي حد ومحدش قادر يعملو حاجة في البلد وهو معزول واتأيد عزله، ما هو يا اما الموضوع علي مزاجكو يا اما محدش قادر عليه”.
