عبّر محمد هاني، ظهير أيمن النادي الأهلي، عن فخره الشديد بالانتماء للقلعة الحمراء، مؤكدًا أنه لا يمكنه أبدًا “بيع” النادي، مهما كانت الظروف.
حيث قال هاني في تصريحات إعلامية: ” الأهلي هو بيتي، واللي أنا فيه ده بفضل النادي ده. عمري ما هبيع الأهلي، ولا أفكر أسيب المكان اللي صنع اسمي”.
كما أبدى سعادته بإشادة الكابتن إبراهيم حسن، معتبرًا إياها دافعًا كبيرًا للاستمرار وتقديم الأفضل.
وقال:” إبراهيم حسن من أكثر الناس اللي كنت بتابعهم وأنا صغير، وسعيد جدًا إنه بيشيد بيا، الكلام ده مسؤولية قبل ما يكون فخر”.
وفي ختام حديثه، تطرق هاني إلى مكانة الجيل الحالي من لاعبي الأهلي، قائلًا:” أعتقد إن الجيل ده تفوق على كل الأجيال اللي فاتت في تاريخ النادي، بفضل البطولات والإنجازات اللي قدرنا نحققها في السنين الأخيرة، وده بيحطنا قدام تحدٍّ كبير علشان نحافظ على اللي وصلنا له ونفضل في القمة”.
يُذكر أن محمد هاني يواصل استعداداته مع الأهلي لخوض منافسات الموسم الجديد، وسط منافسة قوية في مركزه تحت قيادة المدير الفني الإسباني خوسيه ريبيرو.
