حرص وائل جمعة، نجم الأهلي ومنتخب مصر السابق، على توجيه رسالة إلى لاعبي الفريق الأول لكرة القدم بالقلعة الحمراء، بعد تراجع الأداء في الفترة الأخيرة، مشيرًا إلى أن رصيد أي لاعب يُبنى على مدى تضحيته وإخلاصه للنادي.
ونشر جمعة عبر حسابه الشخصي على موقع التواصل الاجتماعي فيس بوك قائلاً:” كلمتين للعيبه الاهلي بقالي فتره متكلمتش علي الاهلي بس اللي اانا شايفه دلوقتي لازم من حبنا للاهلي نوصله للعيبه لو غايب عنهم وانا هتكلم بلسان المشجع”.
وأضاف نجم الأهلي السابق:” احنا بنحب الاهلي وهنفضل نحب الاهلي بس اوعي تفتكر ان الجمهور هيحبك علي حساب النادي فانتا كلعيب رصيدك بتبنيه من تضحيتك ومحافظتك علي بيتك اللي هو بيت المشجع ده”.
واكمل:” المشجع الأهلاوي عايز يشوفك بتحارب علشان بيتك ده وعلي انتصاره وان اسمه يفضل مرفوع دايما اتمني كل واحد منكم يحاسب نفسه علي اللي قدمه الفتره اللي فاتت”.
واختتم حديثه قائلاً:” مدربين كتير جم ومشيوا الفتره اللي فاتت علي غير عاده الاهلي، احنا مرينا بالفتره دي قبل كده ومش معني ان النادي بيمشي المدرب فانتا كده بعيد لا لابد اننا نبص في المرايه بتاعتنا ونحاسب نفسنا، محتاجين نشوف رد فعل مختلف منكم ودايما وراكم طول مانتم بترفعوا وتفرحوا شعب الاهلي”.
وتأتي رسالة وائل جمعة في ظل حالة الغضب لدي جماهير الأهلي بعد تراجع النتائج مؤخرًا، مطالبين اللاعبين بإظهار روح الفانلة الحمراء والقتال داخل الملعب من أجل استعادة هيبة الفريق.
